Home Featured நாடு டுவிட்டரில் தன் தொப்பையைக் கேலி செய்தவருக்கு நஜிப் கூறிய பதில் என்ன தெரியுமா?

டுவிட்டரில் தன் தொப்பையைக் கேலி செய்தவருக்கு நஜிப் கூறிய பதில் என்ன தெரியுமா?

419
0
SHARE

NajibTwitterகோலாலம்பூர் – மலேசியப் பிரதமர் டத்தோஸ்ரீ நஜிப் துன் ரசாக், தனது அதிகாரப்பூர்வ பேஸ்புக், டுவிட்டர் பக்கங்களில் அவ்வப்போது முக்கிய நிகழ்வுகள் குறித்த தகவல்களை வெளியிடுவது, யாராவது தலைவர்கள் மறைந்துவிட்டால் இரங்கல் செய்தி தெரிவிப்பது போன்ற பதிவுகளை செய்து வருகின்றார்.

கடந்த வாரம் இந்தியாவிற்கு அதிகாரப்பூர்வப் பயணம் மேற்கொண்ட போது, அவரைப் போலவே அவரது டுவிட்டர் பக்கமும் மிகவும் உற்சாகமாகக் காணப்பட்டது.

சென்னை ராஜ்பவனில் இரவு மான்கள் உலவுவது தொடங்கி, சூப்பர் ஸ்டார் ரஜினி, மோடியுடனான தம்படம் (செல்ஃபி), பிடித்த உணவு இட்லி வரை என நஜிப்பின் டுவிட்டர் பக்கம், அவரது தனிப்பட்ட விருப்பம் சார்ந்த புகைப்படங்கள், பதிவுகளால் அலங்கரிக்கப்பட்டது.

இந்நிலையில், நஜிப்பை டுவிட்டரில் பின்பற்றி வரும் ஷமீர் ஷாரி என்பவர், நஜிப்பின் புகைப்படம் ஒன்றின் கீழே, “தொப்பையைக் கொஞ்சம் மறையுங்கள்” என்று கருத்துத் தெரிவித்திருந்தார்.

NajibTwitterReply‌ஷமீரின் அக்கருத்து, இணையத்தில் பலரது கவனத்தையும் ஈர்த்தது. சிலர் அதை நகைச்சுவையாகவும், சிலர் அதை கடுமையாகவும் எடுத்துக் கொண்டு அது குறித்துத் தங்கள் கருத்துக்களைத் தெரிவித்து வந்தனர்.

இந்நிலையில், யாரும் எதிர்பாராத வகையில், ஷமீருக்கு நஜிப் பதில் தெரிவித்திருக்கிறார். அதில், “உடற்பயிற்சி செய்ய நேரமில்லை” என்று குறிப்பிட்டிருக்கிறார்.

நஜிப், ஷமீரின் பதிவை அவ்வளவு எளிதாக எடுத்துக் கொண்டு பதிலளிப்பார் என்று யாரும் எதிர்பார்க்கவில்லை. எனினும், நஜிப் தான் அப்படி ஒரு பதிலளித்திருக்கிறாரா? அல்லது அவரது டுவிட்டர் உதவியாளர்கள் யாரும் அப்படி ஒரு பதிலளித்திருக்கிறார்கள் என்பது உறுதியாகத் தெரியவில்லை.

 

Comments