ஜோகூர் பாரு – லோட்டஸ் தாமரை குழுமத்தின் இரண்டாவது சுற்றுலா தளமான லோட்டஸ் சீ வியூ பீச் ரிசோர்ட் , ஜோகூர் மாநிலத்தின் பெங்கேராங்கில் திறப்பு விழா கண்டது.
கடந்த வெள்ளிக்கிழமை நவம்பர் 10-ஆம் தேதி பிற்பகலில் ஜோகூர் மந்திரி பெசார் டத்தோ முகமட் காலிட் நோர்டின் லோட்டஸ் சிவியு பீச் ரிசோர்ட்டை திறந்து வைத்தார்.
ஏற்கனவே லோட்டஸ் டேசாரு என்ற சுற்றுலா தங்கும் விடுதியை ஜோகூர் மாநிலத்தில் லோட்டஸ் குழுமம் கொண்டிருக்கின்றது.
லோட்டஸ் டேசாரு தங்கும் விடுதியின் அருகிலேயே இந்தப் புதிய சீ வியூ பீச் ரிசோர்ட் நிர்மாணிக்கப்பட்டுள்ளது.
லோட்டஸ் குழுமம் உணவகம், தங்கும் விடுதிகள், திரை அரங்குகள், திரைப்பட வெளியீடுகள் என பல்வேறு வணிகத் துறைகளில் வெற்றிகரமாக ஈடுபட்டு வருகிறது.
