சென்னை – சென்னை அண்ணா பல்கலைக்கழக துணைவேந்தராக இருந்த ராஜாராமின் பதவிக் காலம், கடந்த 2016-ம் ஆண்டு மே 26-ம் தேதி நிறைவடைந்தது.
எனினும், கடந்த இரண்டு ஆண்டுகளாக புதிய துணைவேந்தர் நியமனம் செய்யப்படாமல் இருந்து வந்தது.
இந்நிலையில், அண்ணா பல்கலைக்கழகத்தின் புதிய துணைவேந்தராக கர்நாடக மாநிலத்தைச் சேர்ந்த எம்.கே.சூரப்பா நியமனம் செய்யப்பட்டிருக்கிறார்.
தமிழக ஆளுநர் பன்வாரிலால் புரோஹித் எம்.கே.சூரப்பாவை நியமனம் செய்ய உத்தரவிட்டிருக்கிறார்.
பெங்களூரு ஐஐடி இயக்குனராக 6 ஆண்டுகள் பணியாற்றிய எம்.கே.சூரப்பா, இந்திய அறிவியல் மையத்தில் 24 ஆண்டுகள் பேராசிரியராகவும் பணியாற்றியிருக்கிறார்.
அத்துடன், 150 ஆய்வுக்கட்டுரைகளை எழுதியிருக்கும் இவர், உலோக பொறியியல் பிரிவில் முனைவர் பட்டம் பெற்றவர் என்பது குறிப்பிடத்தக்கது.
