கோலாலம்பூர்: பதவிக் காலம் முடிவடைவதற்கு இன்னும் இரண்டு வாரங்கள் இருக்கும் நிலையில், மனித உரிமைகள் ஆணையத்தின் (சுஹாகாம்) தலைவர் டான்ஶ்ரீ ரசாலி இஸ்மாயில் பதவி விலகி உள்ளார்.
கடந்த 2016-ஆம் ஆண்டு இப்பதவியில் நியமிக்கப்பட்டவர், வருகிற ஏப்ரல் 27-ஆம் தேதி தலைவர் பதவியிலிருந்து விலகியிருக்க இருக்க வேண்டும்.
இந்த விவகாரம் குறித்து மாமன்னர் மற்றும் பிரதமருக்கு கடிதம் வாயிலாகத் தெரிவிக்கப்பட்டு விட்டது எனவும், சுஹாகாம் ஆணையத்திற்கும் அறிவிக்கப்பட்டுவிட்டது என்றார்.
“நான் மூன்று வருடங்களாக சுஹாகாமில் இருக்கிறேன். நல்ல முறையில் நான் செயல்பட்டேன் என்று நம்புகிறேன்” என அவர் கூறினார்.
சுஹாகாம் புதிய தலைவரைத் தேர்தெடுப்பதற்கு வழிவகுக்கும் வகையில், பதவிக் காலம் முடிவடைவதற்குள் தாம் பதவி விலகுவதாகக் கூறினார்.
