மான்செஸ்டர் : (மலேசிய நேரம் பின்னிரவு 12.43 மணி நிலவரம்) உலகக் கிண்ணக் கிரிக்கெட் போட்டிகளில் வரிசையாகத் தொடர் வெற்றிகளைப் பெற்றுவரும் இந்தியா, வியாழக்கிழமை (ஜூன் 27) இங்கு நடைபெற்ற மேற்கிந்தியத் தீவுகளுடனான ஆட்டத்தில் வெற்றி பெற்று அரையிறுதி ஆட்டத்திற்கான தேர்வை நோக்கி இந்தியா முன்னேறியுள்ளது.
நாணயத்தைச் சுண்டிப் போட்டதில் வெற்றி பெற்ற இந்தியா முதலில் பேட்டிங் செய்ய முடிவெடுத்தது. முதல் பாதி ஆட்டத்தில் 50 ஓவர்களில் 268 ஓட்டங்கள் எடுத்து ஆட்டத்தை நிறைவு செய்த இந்தியா 7 விக்கெட்டுகளை மட்டுமே இழந்தது.
இரண்டாவது பாதி ஆட்டத்தில் மேற்கிந்தியத் தீவுகள் அணி 34.2 ஓவர்களிலேயே 10 விக்கெட்டுகளையும் இழந்து 143 ஓட்டங்கள் மட்டுமே எடுக்க முடிந்தது.
இதனைத் தொடர்ந்து 125 ஓட்டங்கள் வித்தியாசத்தில் இந்தியா வெற்றி பெற்றது.
அடுத்து ஜூன் 30-ஆம் தேதி நடைபெறும் ஆட்டத்தில் இந்தியா இங்கிலாந்தை எதிர்கொள்கிறது.
இன்று வெள்ளிக்கிழமை ஜூன் 28-ஆம் தேதி நடைபெறும் ஆட்டத்தில் இலங்கையும், தென் ஆப்பிரிக்காவும் மோதுகின்றன
