கோலாலம்பூர்: நாட்டின் சுதந்திரத்தின் போதோ, அல்லது மலேசிய கூட்டமைப்பு அமைக்கப்பட்டபோதோ, ஒற்றை கல்வி முறையை நிறுவுவது குறித்து ஆலோசிக்கப்பட்டிருக்க வேண்டும். தற்போது, காலம் கடந்து பேசுவது தவறான நோக்கத்தை கொண்டு வரும் என்று ரெம்பாவ் நாடாளுமன்ற உறுப்பினர் கைரி ஜமாலுதீன் கூறினார்.
“நாம் அதை அங்கீகரித்தவுடன், தற்போது அகற்றுவது நமக்கு கடினமாக இருக்கும்,” என்று அவர் மலேசிய இன்சைட் தளத்தில் கூறியதாக மலேசியாகினி தெரிவித்துள்ளது.
ஒற்றை கல்வி முறையை நிறுவுவதற்கான கேள்விகளுக்கு தாய்மொழிக் கல்வி கற்றல் பள்ளிகள் மட்டுமல்லாமல் பிற நீரோடை பள்ளிகளும் அடங்கும் என்று அவர் கூறினார்.
“இன்று எங்களுக்கு ஒற்றை கல்வி முறை வேண்டும் என்று மக்கள் சொன்னால், அதாவது சீன மற்றும் தமிழ் பள்ளிகள் இல்லை என்று அர்த்தம் என்றால், மதரஸாக்கள் பற்றியும் யாராவது கேட்பார்கள்? அதையும் நீக்க வேண்டும். அனைத்துலக மற்றும் தனியார் பள்ளிகளுக்கு தங்கள் குழந்தைகளை அனுப்பும் பெற்றோர்களின் நிலை என்ன?” என்று அவர் கேள்வி எழுப்பினார்.
தாய்மொழி வழி கற்றல் பள்ளிகளைப் பராமரிக்க வேண்டுமா என்ற கேள்விக்கு பதிலளித்தபோது அவர் இவ்வாறு கூறினார்.
“இது கொள்கையளவில் குழப்பத்தை ஏற்படுத்தும். மேலும் அரசியல் குழப்பத்தையும் ஏற்படுத்திவிடும். அது முடியும் என்று நான் நினைக்கவில்லை, “என்று அவர் கூறினார்.
எனவே, தேசியப் பள்ளிகளுக்கு பெற்றோர்கள் முன்னுரிமை அளிக்க வேண்டிய அனைத்து நடவடிக்கைகளையும் சம்பந்தப்பட்ட தரப்பு செய்ய வேண்டும் என்று அவர் கேட்டுக் கொண்டார்.
