புத்ரா ஜெயா – லைனா கொர்ப்பரேஷன் நிறுவனம் குறித்து பத்திரிக்கையாளர்களின் கேள்விகளுக்கு பதிலளிக்கும்போது, முதலீட்டாளர்கள் நம்மை ஒதுக்கப்பட்டவர்களாக நடத்துவார்கள் என்பதைக் குறிக்க, தகாத வார்த்தை ஒன்றைப் பயன்படுத்தியதாக இந்தியர்களிடையே எழுந்துள்ள கொந்தளிப்பு குறித்து பிரதமர் துன் மகாதீர் இன்று வியாழக்கிழமை விளக்கமளித்தார்.“நான் யாரையும் குறிப்பிட்டு அந்த வார்த்தையைப் பயன்படுத்தவில்லை” என்று கூறிய மகாதீர், தன் மீது காவல் துறையில் சில பிகேஆர் உறுப்பினர்கள் புகார் செய்துள்ளது குறித்து கேட்கப்பட்டபோது “யாரைக் குறிப்பிட்டு நான் அப்படிக் கூறினேன்?” எனவும் அவர் எதிர்க் கேள்வி தொடுத்தார்.
