Home One Line P2 புர்ஜ் கலீஃபாவைப் போன்ற 2 பெரிய சிறுகோள்கள் பூமியைக் கடக்க உள்ளன- நாசா

புர்ஜ் கலீஃபாவைப் போன்ற 2 பெரிய சிறுகோள்கள் பூமியைக் கடக்க உள்ளன- நாசா

423
0
SHARE
Ad

வாஷிங்டன்: சிறிய கிரகங்கள் எனக் கூறப்படும் இரண்டு பிரம்மாண்டமான சிறுகோள்கள் இன்று சனிக்கிழமை (செப்டம்பர் 14) பூமியைக் கடந்து பறக்கும் என்று நாசா எச்சரித்துள்ளது.

இவ்விரண்டு பிரம்மாண்டமான சிறுகோள்களும் 2000 கியூடபிள்யூ 7 (2000 QW7) மற்றும் 2010 CO1 என்று குறிப்பிடப்பட்டுள்ளது.

2000 கியூடபிள்யூ 7 எனும் சிறுகோள் புர்ஜ் கலீஃபாவின் அளவு (துபாயில் உள்ள உலகின் மிக உயரமான கட்டிடம்) இருப்பதாகவும்,  செப்டம்பர் 14-ஆம் தேதியன்று பூமிக்கு அருகில் பறக்க உள்ளது என்றும் கூறப்பட்டுள்ளது. 2000 கியூடபிள்யூ 7 தோராயமாக 290 முதல் 650 மீட்டர் அகலம் கொண்டது.

#TamilSchoolmychoice

பூமியை நெருங்குவது இந்த சிறுகோளுக்கு இதுவே முதல் முறை அல்ல. முன்னதாக, 2000-ஆம் ஆண்டு செப்டம்பர் 1-ஆம் தேதி பூமியை இந்த சிறுகோள் அணுகியது.

பூமியைக் கடக்க இருக்கும் மற்றொரு சிறுகோள் 2010 CO1 என்று கண்டறியப்பட்டுள்ளது. ஊடக அறிக்கையின்படி, 2000 கியூடபிள்யூ 7 சிறுகோள் பூமியைக் கடந்து செல்லும் முதல் சிறுகோள் ஆகும்.

நாசாவின் கூற்றுப்படி, சிறுகோள்கள் சூரியனைச் சுற்றி வரும் சிறிய பாறை பொருட்கள் என்று கூறப்படுகின்றன. அவை கிரகங்களைப் போலவே சூரியனைச் சுற்றி வந்தாலும், கிரகங்களை விட சிறுகோள்கள் அளவில் மிகச் சிறியவை.

Comments