நியூயார்க்: பிரிட்டன் பொதுத் தேர்தலில் வெற்றி பெறுவதாக பிரதமர் போரிஸ் ஜோன்சன் முறையாக அறிவிக்கப்பட்டதை அடுத்து, அமெரிக்க டாலரின் மதிப்பு பிரிட்டன் பவுண்டுக்கு எதிராக நேற்று வெள்ளிக்கிழமை பலவீனமடைந்தது.
கன்சர்வேடிவ் கட்சித் தலைவர் பிரெக்சிட்டை நிறைவேற்றுவதாகவும், ஐரோப்பிய ஒன்றியத்திலிருந்து 2020 ஜனவரி 31-ஆம் தேதி வெளியே கொண்டு வருவதாகவும் உறுதியளித்தார்.
இது 2016-ஆம் ஆண்டு பிரெக்சிட் வாக்கெடுப்புக்குப் பின்னர் பொருளாதாரத்தை பாதித்த நிச்சயமற்ற தன்மையை முடிவுக்குக் கொண்டு வரும் என்று எதிர்ப்பார்க்கப்படுகிறது.
நியூயார்க் வணிகத்தின் முடிவில், யூரோ முந்தைய மதிப்பான 1.1111 அமெரிக்க டாலர்களுடன் ஒப்பிடும்போது 1.1119 அமெரிக்க டாலர்களாக உயர்ந்துள்ளது. பிரிட்டன் பவுண்டு 1.3132 அமெரிக்க டாலர்களிலிருந்து 1.3338 அமெரிக்க டாலர்களாக உயர்ந்தது.
