வாஷிங்டன்: அமெரிக்க விமான நிறுவனமான போயிங் நேற்று திங்களன்று தனது 737 மேக்ஸ் விமான உற்பத்தியை வருகிற ஜனவரியில் நிறுத்திவைக்கும் என்று அனடோலு செய்தி நிறுவனம் தெரிவித்துள்ளது.
“இந்த முடிவானது 2020-க்கு சான்றிதழ் நீட்டிப்பு, சேவைக்கு திரும்புவதற்கான நேரம் மற்றும் நிபந்தனைகள் பற்றிய நிச்சயமற்ற தன்மை மற்றும் உலகளாவிய பயிற்சி ஒப்புதல்கள் மற்றும் சேமிக்கப்பட்ட விமானங்களை வழங்குவதற்கு நாங்கள் முன்னுரிமை அளிக்க முடியும் என்பதை உறுதி செய்வதன் முக்கியத்துவம் உள்ளிட்ட பல காரணிகளால் இயக்கப்படுகிறது.” என்று அந்நிறுவனம் ஓர் அறிக்கையில் தெரிவித்துள்ளது.
“சேவையை நல்ல முறைக்கு திருப்புவதற்கான எங்கள் முன்னேற்றத்தை நாங்கள் தொடர்ந்து மதிப்பிடுவோம். அதன்படி உற்பத்தி மற்றும் விநியோகங்களை மீண்டும் தொடங்குவது குறித்து தீர்மானங்களை எடுப்போம்.” என்று அது குறிப்பிட்டுள்ளது.
பாதிக்கப்பட்ட 737 தொடர்பான ஊழியர்கள் தங்கள் பணிகளைத் தொடருவார்கள் அல்லது வாஷிங்டன் மாநிலத்தின் புஜெட் சவுண்ட் பிராந்தியத்தில் தற்காலிகமாக மற்ற அணிகளுக்கு நியமிக்கப்படுவார்கள் என்று அந்நிறுவனம் தெரிவித்துள்ளது.
போயிங்கின் அதிக விற்பனையான இவ்வகை விமானம், இரண்டு விபத்துக்களுக்குப் பிறகு உலகளவில் தரையிறக்கப்பட்டது.
கடந்த மார்ச் 10-ஆம் தேதி, எத்தியோப்பியன் ஏர்லைன்ஸ் விமானம் அடிஸ் அபாபாவில் உள்ள ஒரு விமான நிலையத்திலிருந்து புறப்பட்ட சிறிது நேரத்திலேயே விபத்துக்குள்ளானது. அதில் இருந்த 157 பேரும் கொல்லப்பட்டனர்.
இந்தோனேசியாவின் ஜகார்த்தாவுக்கு வெளியே கடந்த அக்டோபர் 2018 விபத்தில் இதே மாதிரி விமானம் சம்பந்தப்பட்டது. அவ்விபத்தில் விமானத்தில் இருந்த 189 பேரும் கொல்லப்பட்டனர்.
அமெரிக்கா, துருக்கி, ரஷ்யா, ஈரான் உள்ளிட்ட பல நாடுகள் இந்த விமானத்தை தரையிறக்கி உள்ளன.
