சிங்கப்பூர்: ஆசியாவின் மிகச்சிறிய மக்கள்தொகையில் ஒன்றான சிங்கப்பூர், தென் கிழக்காசியாவிலேயே அதிக எண்ணிக்கையிலான கொரொனாவைரஸ் தொற்றுகளைக் கொண்ட நாடாக உருமாறி உள்ளது.
நேற்று ஞாயிற்றுக்கிழமை 931 புதிய சம்பவங்கள் பதிவாகியுள்ளன. 13,000- க்கும் மேற்பட்ட நோய்த்தொற்றுகள் பதிவாகி, ஜப்பானை விஞ்சிவிட்டது.
சீனா மற்றும் இந்தியா மட்டுமே ஆசியாவில் அதிக சம்பவங்களைக் கொண்டுள்ளன.
வெளிநாட்டுப் பணியாளர்களின் தங்குமிடங்களில் உள்ள பணியாளர்களிடையே பெரும்பாலான நோய்த்தொற்றுகள் இன்னும் ஏற்பட்டு வருகின்றன.
கடந்த வாரம், சுமார் 5.7 மில்லியன் மக்கள் தொகை கொண்ட சிங்கப்பூர் கொவிட்-19 பாதிப்பைக் கட்டுப்படுத்த ஜூன் 1 வரை மேலும் நான்கு வாரங்களுக்கு பயணக் கட்டுப்பாடுகளை நீட்டித்தது.
