கோலாலம்பூர்: முன்னதாக சிவப்பு மண்டலங்களாக அறிவிக்கப்பட்ட கோத்தா பாரு மற்றும் பேராக் ஹிளிர் உள்ளிட்ட பகுதிகள் தற்போது எந்தவொரு கொவிட்-19 சம்பவங்களும் இல்லாத நிலையில் பச்சை மண்டலமாக பட்டியல் இடப்பட்டுள்ளன.
நாட்டில் மொத்தமாக 85 மாவட்டங்கள் இதுவரையிலும் பச்சை மண்டலமாகக் குறிப்பிடப்பட்டுள்ளன.
சிவப்பு மண்டலம் 40- க்கும் மேற்பட்ட நேர்மறையான சம்பவங்களைக் கொண்ட பகுதி. கிளந்தான் கோத்தா பாருவில் 90 சம்பவங்களும், பேராக்கில் 65 சம்பவங்களும் பதிவாகி இருந்தன.
இருப்பினும், சுகாதார அமைச்சின் இன்றைய விளக்கப்படத்தில் இவ்விரு மாவட்டங்களிலும் சம்பவங்கள் எதுவும் இல்லை என்பதைக் காட்டுகிறது.
சிவப்பு மண்டப்பகுதிகள் 12-ஆக பதிவாகி உள்ளன.
நாடு முழுவதும் இதுவரை 100 இறப்புகள் ஏற்பட்டுள்ள நிலையில், 5,851 கொவிட் -19 நேர்மறை சம்பவங்கள் பதிவாகியுள்ளன.
மொத்தம் 4,032 நோயாளிகள் குணமடைந்துள்ளனர். 1,719 பேர் இன்னும் சிகிச்சை பெற்று வருகின்றனர்.
