Home One Line P1 மொகிதின், சாஹிட் ஹமிடி, ஹாடி அவாங் கெடா சுல்தானைச் சந்தித்தனர்

மொகிதின், சாஹிட் ஹமிடி, ஹாடி அவாங் கெடா சுல்தானைச் சந்தித்தனர்

212
0
SHARE

கோலாலம்பூர்: தேசிய கூட்டணியின் மூன்று கட்சித் தலைவர்கள் கெடா ஆட்சியாளர் சுல்தான் சலேஹுடின் இப்னி அல்மார்ஹும் சுல்தான் பட்லிஷாவைச் சந்தித்து, கெடா மந்திரி பெசார் பதவிக்கு புதிய வேட்பாளரை முன்மொழியும், 23 மாநில சட்டமன்ற உறுப்பினர்களின் சத்தியப்பிரமாணங்களை வழங்கினர்.

கோலாலம்பூரில் இஸ்தானா கெடாவில் நேற்று புதன்கிழமை நடந்த கூட்டத்தில் கலந்து கொண்ட பாஸ் கட்சியின் பொதுச் செயலாளர் டத்தோ தக்கியுடின் ஹாசன், அம்னோ, பாஸ் மற்றும் பெர்சாத்து தலைவர்கள் சுல்தானுக்கு இந்த விவகாரத்தை தெரிவித்தனர். மந்திரி பெசார் டத்தோஸ்ரீ முக்ரிஸ் மகாதீருக்கு பதிலாக சத்தியப்பிரமாணத்தில் புதிய பெயர் பெயரிடப்பட்டுள்ளது.

சத்தியப்பிரமாணங்களை சுல்தானுக்கு அனுப்ப சட்டமன்ற உறுப்பினர்கள் முடிவு செய்துள்ளதால், மாநில சட்டமன்றத்தில் நம்பிக்கையில்லா வாக்கெடுப்புடன் ஒப்பிடும்போது இது சட்டப்பூர்வமாக அமையும் என்று அவர்கள் கூறினர்.

சந்திப்புக் கூட்டத்தில் பிரதமர் டான்ஸ்ரீ மொகிதின் யாசின், அம்னோவின் டத்தோஸ்ரீ டாக்டர் அகமட் சாஹிட் ஹமிடி மற்றும் பாஸ் தலைவர் டத்தோஸ்ரீ அப்துல் ஹாடி அவாங் ஆகியோர் கலந்து கொண்டனர்.

தாம் இன்னும் கெடா மந்திரி பெசார் என்று முக்ரிஸ் அறிவித்த ஒரு மணி நேரத்திற்குப் பிறகு சுல்தானுடனான சந்திப்பு நடந்துள்ளது.

23 மாநில சட்டமன்ற உறுப்பினர்கள் ஜெனெரி சட்டமன்ற உறுப்பினர் மற்றும் கெடா பாஸ் துணைத் தலைவர் முகமட் சனுசி முகமட் நோரை புதிய மந்திரி பெசராக முன்மொழிந்ததாக நம்பப்படுகிறது.

Comments