சென்னை: திமுக கூட்டணியில் விடுதலை சிறுத்தைகள் கட்சிக்கு 6 தொகுதிகள் ஒதுக்கீடு செய்யப்பட்டுள்ளன.
தமிழகத்தில் வரும் ஏப்ரல் 6- ஆம் தேதி சட்டமன்றத் தேர்தல் நடைபெறவுள்ளது. இதற்கான வேட்புமனு தாக்கல் வரும் 12-ஆம் தேதி முதல் தொடங்குகிறது.
திமுக கூட்டணியில் இந்திய யூனியன் முஸ்லிம் லீக், மனித நேய மக்கள் கட்சி ஆகியவற்றுடன் தொகுதி பங்கீடு இறுதி செய்யப்பட்டு இருக்கிறது. அதன்படி, முஸ்லிம் லீக்கிற்கு 3, மனிதநேய மக்கள் கட்சிக்கு 2 தொகுதிகள் ஒதுக்கீடு செய்யப்பட்டுள்ளன. இதையடுத்து மதிமுக, விடுதலை சிறுத்தைகள் கட்சிகள் இடையே பேச்சுவார்த்தை நடைபெற்று வந்தது.
இன்றைய முடிவில் அதிருப்தி இருந்த போதிலும், பாஜக போன்ற இனம், சாதியைக் கொண்டு தமிழ் நாட்டிற்குள் குழப்பத்தை ஏற்படுத்தும் கட்சிகள் வராமல் இருப்பதைத் தடுக்க இந்த கூட்டணி அவசியம் என்று விடுதலை சிறுத்தைகள் கட்சி வட்டாரம் தெரிவித்துள்ளது.
