சுங்கை பூலோ : நீதிமன்ற விசாரணையின்றி சுங்கை பூலோ சிறைச் சாலையில் சொஸ்மா சட்டத்தின் கீழ் தடுத்து வைக்கப்பட்டிருக்கும் கைதிகளின் குடும்பத்தினர் இன்று சுங்கை பூலோ சிறைச்சாலையின் முன் உண்ணாவிரதப் போராட்டத்தைத் தொடக்கினர்.
6 மாநில சட்டமன்றத் தேர்தல்கள் நடைபெறும் வேளையில், அதுவும் சிலாங்கூர் மாநிலத்திற்கான சட்டமன்றத் தேர்தல்கள் சூடு பிடித்திருக்கும் வேளையில் சொஸ்மா கைதிகளின் உண்ணாவிரதப் போராட்டம் அனைவரின் கவனத்தையும் ஈர்க்கும் என எதிர்பார்க்கப்படுகிறது.
நீதிமன்ற விசாரணைகள் – குற்றச்சாட்டுகள் – இன்றி சொஸ்மா சட்டத்தைப் பயன்படுத்தி – தடுத்து வைக்கப்பட்டிருக்கும் பலர் இந்தியர்களாவர். சொஸ்மா சட்டத்தை எதிர்ப்போம் – அகற்றுவோம் – என முழக்கமிட்ட பக்காத்தான் ஹாரப்பான் கூட்டணி இப்போது ஆட்சிக்கு 6 மாதங்களுக்கு மேலாகியும் சொஸ்மா சட்டத்தை அகற்றுவதற்கு எந்தவித நடவடிக்கையும் எடுக்காமல் இருப்பது மக்கள் மத்தியில் பலத்த கண்டனங்களைத் தோற்றுவித்தது.
