உலன் பாடூர், ஜூன் 26- மத்திய ஆசிய நாடான மங்கோலியாவின் தற்போதைய அதிபர் டசகியா எல்பெக்டோரிஜ்.
கடந்த 2009-ம் ஆண்டு அதிபரான இவரின் பதவிக்காலம் முடிவடைய உள்ளது. இதை அடுத்து இன்று மங்கோலியாவில் அதிபர் தேர்தல் நடைபெற்றது.
இந்த தேர்தலில் தற்போதைய அதிபர் உள்ளிட்ட 3 பேர் அதிபர் பதவிக்கு போட்டியிடுகின்றனர். இவர்களில் மங்கோலிய மக்கள் கட்சியின் வேட்பாளராகிய பத்மாயம்பூ பேட் எர்டேன் முக்கிய போட்டியாளராக கருதப்படுகிறார். இவரைத்தவிர அதிபர் பதவிக்கு போட்டியிடும் முதல் பெண் வேட்பாளராக நட்சக் உத்வல் உள்ளார்.
மங்கோலியாவில் இன்று அதிகாலை அதிபர் தேர்தல் தொடங்கியது. இந்த தேர்தலில் 50 சதவீதம் வாக்குகளைப் பெறுபவர் வெற்றி பெற்றவராக அறிவிக்கப்படுவார். வேட்பாளர்கள் எவரும் 50 சதவீத வாக்குகள் பெறவில்லை என்றால், ஜூலை 10-ம் தேதி மறுதேர்தல் நடத்தப்படும்.
சமீபத்தில் நடத்தப்பட்ட கருத்துக் கணிப்பு முடிவுகள் தற்போதைய அதிபருக்கு வெற்றி வாய்ப்பு இருப்பதாக தெரிவிக்கின்றன.
