உலன் பேடர், ஜூன் 29- மங்கோலியாவில் நடைபெற்ற பொதுத் தேர்தலில் வென்று இரண்டாவது முறையாக அதிபரானார் டசாகியா எல்பெக்டோர்ஜ்.
மத்திய ஆசிய நாடான மங்கோலியாவின் தற்போதைய அதிபர் டசாகியா எல்பெக்டோர்ஜ் (படம்).
கடந்த 2009-ஆம் ஆண்டு அதிபரான இவருடைய பதவிக்காலம் நிறைவடைந்ததையடுத்து மங்கோலியாவில் அதிபர் தேர்தல் புதன்கிழமை நடைபெற்றது.
இந்தத் தேர்தலில் தற்போதைய டசாகியா உள்ளிட்ட 3 பேர் அதிபர் பதவிக்கு போட்டியிட்டனர். வாக்கு எண்ணிக்கை வியாழக்கிழமை நடைபெற்றது. இதில் 50.23 சதவீத வாக்குகளைப் பெற்ற டசாகியா வெற்றி பெற்றதாக அறிவிக்கப்பட்டார்.
அவரை எதிர்த்துப் போட்டியிட்ட மங்கோலிய மக்கள் கட்சியின் வேட்பாளரும் மல்யுத்த வீரருமான பத்மான்யாம்பூ பாட்-எர்டேன் 41.97 சதவீத வாக்குகளைப் பெற்றார்.
இன்னொருவரும் மங்கோலியாவின் முதல் பெண் வேட்பாளருமான நத்சாக் உத்வல் 6.5 சதவீத வாக்குகளையே பெற்றார்.
