ஆக. 26- ஹரி இயக்கத்தில் சூர்யா நடித்த படம் ‘சிங்கம் 2’. இதில் அனுஷ்கா, ஹன்சிகா, சந்தானம், விவேக் உள்பட பலர் நடித்துள்ளனர். தேவி ஸ்ரீபிரசாத் இசையமைத்துள்ளார்.
தூத்துக்குடி துறைமுகத்தில் நடைபெறும் ஆயுதக்கடத்தலை கண்டுபிடிப்பதற்காக போலீஸ் அதிகாரியான சூர்யா நியமிக்கப்படுகிறார். அவர் என்.சி.சி. ஆசிரியர் வேடத்தில் தூத்துக்குடி வந்து கடத்தல் கும்பலை அழிப்பதே கதை.
இதில் அஞ்சலி ஒரு பாடலுக்கு கவர்ச்சி குத்தாட்டம் ஆடியுள்ளார். இப்படம் கடந்த மாதம் 5-ந்தேதி உலகமெங்கும் திரையிடப்பட்டு நேற்றுடன் 50 நாள் ஆகிறது.
தற்போது சூழ்நிலையில் தமிழ் சினிமாவில் ஒருபடம் 50 நாட்களை தாண்டி ஓடுவது கஷ்டம். அதையும் மீறி ‘சிங்கம் 2’ 50 நாட்களை தாண்டி ஓடுவது படக்குழுவினருக்கு மகிழ்ச்சியை ஏற்படுத்தியுள்ளது.
