புதுடெல்லி, மே 28 – பிரதமராக பதவி ஏற்ற நரேந்திர மோடி நேற்று தனது பிரதமர் பணியை தொடங்கினார். இதையடுத்து நேற்று மாலை அவர், முன்னாள் பிரதமர் மன்மோகன் சிங்கை சந்திக்க அவரது இல்லத்துக்கு சென்றனர்.
கடந்த 10 ஆண்டுகளாக, 7, ரேஸ் கோர்ஸ் சாலையில் உள்ள பிரதமர் பங்களாவில் வசித்து வந்த மன்மோகன் சிங், தற்போது 3, மோதிலால் நேரு சாலை பங்களாவுக்கு நேற்று முன்தினம் குடியேறினார்.
அந்த வீட்டிற்கு சென்ற மோடியை, மன்மோகனும் அவரது மனைவி குர்சரண் கவுரும் வரவேற்றனர். மரியாதை நிமித்தமாக இந்த சந்திப்பு நடைபெற்றது என செய்தியாளர்கள் தெரிவித்தனர்.
