சென்னை, செப்டம்பர் 5 – ‘ஐஸ் குளியல்’ சவால் போல் விஜய், சூர்யாவுக்கு திடீர் சவால் விட்டிருக்கிறார் மலையாள சூப்பர் ஸ்டார் மம்முட்டி. ‘ஐஸ் குளியல்’ சவால் உலகம் முழுவதும் பிரபலமாகி இருக்கும் தருணத்தில், அதன் தொடர்ச்சியாக நம்மூரில் ‘ரைஸ் பக்கெட் சவால்’ என்ற சவாலை சமீபத்தில் பட விழா ஒன்றில் இயக்குனர் ஒருவர் அறிவித்தார்.
அதன் தொடர்ச்சியாக நஸ்ரியா கணவரும், நடிகருமான பஹத் பாசில் ஒரு சவால் விடுத்திருக்கிறார். அதற்கு ‘மை டிரி (My tree) சவால்’ என பெயரிட்டிருக்கிறார்.
அதாவது தான் சொல்லும் சிறப்பு விருந்தினர் குறிப்பிட்ட அளவு மரங்களை நட வேண்டும் என்பதுதான் இந்த சவால். மம்முட்டி, மோகன்லாலுக்கு இந்த சவாலை பஹத் பாசில் விடுத்தார்.
அதை உடனடியாக மம்முட்டி ஏற்றுக் கொண்டதுடன் மரத்தை நட்டு அதற்கான புகைப்படத்தை இணைய தளத்திலும் வெளியிட்டிருக்கிறார். இதுபற்றி மம்முட்டி கூறும்போது,
‘ஐஸ் குளியல் சவால்’ இணையத்தளங்களில் பரபரப்பாக போய்க்கொண்டிருக்கிறது. அதேபோல் ‘மை டிரி’ சவாலை நான் பெருமையுடன் தொடங்கி வைப்பத்தில் மகிழ்ச்சி அடைகிறேன். திரையுலக நண்பர்கள் மற்றும் ஃபேஸ்புக் நண்பர்கள் இந்த பணியை செய்ய வேண்டும்.
இயற்கையை பாதுகாக்கவும், வருங்கால சந்ததியினரின் நலனை கருத்தில் கொண்டும் இந்த வேலையை செய்ய வேண்டும். ஷாருக்கான், விஜய், சூர்யாவுக்கு இந்த சவாலை நான் விடுக்கிறேன் என்று குறிப்பிட்டுள்ளார் மம்முட்டி.
