கோலாலம்பூர், செப்டம்பர் 22 – இமேஜினேசன் மேக்கர்ஸ் உருவாக்கத்தில் இயக்குநர் பாணி இயக்கத்தில், டிவி 2 -ல்ஒளிபரப்பாகி விறுவிறுப்பாக சென்று கொண்டிருக்கும் புதிய தொலைக்காட்சி தொடர் ‘தங்கக் காசு இலவசம்’.
இத்தொடரில், சசிதரன் கே ராஜூ, அகோந்திரன், கோபிநாத், யாஸ்மின், அனு, கிளாரா, கே.எஸ் மணியம் மற்றும் ராஜம் ஆகியோர் முக்கியக் கதாப்பாத்திரத்தில் நடித்துள்ளனர்.
வேலைக்கு செல்லாமல் ஊர் சுற்றிக் கொண்டிருக்கும் இளைஞர்களை நல்வழிக்குக் கொண்டு வர புதையல் இருப்பதாகக் கூறும் பெற்றோர், அவர்களை சாமர்த்தியமாக விவசாயம் செய்ய வைக்கின்றனர்.
(படப்பிடிப்பில் இயக்குநர் பாணி)
தோட்டப்புறத்து வாழ்க்கையையும், இளைஞர்களையும் மையமாக வைத்து முற்றிலும் வித்தியாசமான கதையம்சம் கொண்ட இந்த தொடர் திங்கள் முதல் புதன்கிழமை வரை மாலை 4.35 மணியளவில் டிவி2 -ல் ஒளிபரப்பாகின்றது.
இன்னும் இரண்டே எபிசோடுகள் உள்ள இந்த தொடரை மக்கள் அனைவரும் மிகவும் ஆர்வத்துடன் பார்த்து வருகின்றனர்.
