கோலாலம்பூர், டிசம்பர் 18 (பிற்பகல் 3.45) – தற்போது நடைபெற்றுக் கொண்டிருக்கும் மஇகா மத்திய செயலவையின் கூட்டத்தில் கலந்து கொள்ள இரண்டு தரப்பினருக்கும் – அதாவது 2009ஆம் ஆண்டு தேர்ந்தெடுக்கப்பட்ட மத்திய செயலவையினர் – சங்கப் பதிவகத்தால் செல்லாது என அறிவிக்கப்பட்ட 2013ஆம் ஆண்டின் தேர்தலின் வழி தேர்ந்தெடுக்கப்பட்ட மத்திய செயலவையினர் – என இரண்டு தரப்பினருக்கும் மஇகா தேசியத் தலைவர் அனுமதி வழங்கியுள்ளார்.
தற்போது மத்திய செயலவைக் கூட்டம் காரசாரமாக நடைபெற்று வரும் வேளையில் மஇகா தலைமையகத்திற்கு வெளியே ஆர்ப்பாட்டக்காரர்கள் குழுமியுள்ளனர்.
காவல் துறையின் கலகத் தடுப்பு பிரிவினரும் (FRU Police) மஇகா தலைமையகத்திற்கு வெளியே குவிக்கப்பட்டுள்ளனர்.
