கோலாலம்பூர், ஜனவரி 1 – நாட்டின் பல பகுதிகளில் ஏற்பட்டிருக்கும் கடுமையான வெள்ளத்தின் காரணமாக அவதிப்பட்டுக் கொண்டிருக்கும் மக்கள் ஒரு புறம் –
ஏர் ஆசியா விமானம் காணமல் போய் கண்டுபிடிக்கப்பட்ட நிம்மதிக்கு இடையில், அனைத்து பயணிகளும் பலியான சோகம் இன்னொரு புறம் –
இருப்பினும், அதற்காக, புதிய எதிர்பார்ப்புகளையும், எதிர்காலத்தைப் பற்றிய நம்பிக்கைகளையும் நம்முள் விதைத்திருக்கும் 2015ஆம் ஆண்டின் தொடக்கத்தைக் கொண்டாடாமல் இருக்க முடியுமா?
நேற்று நள்ளிரவு, கோலாலம்பூரின் முக்கிய மையமான பெட்ரோனாஸ் இரட்டைக் கோபுரத்தின் முன்பு ஆயிரக்கணக்கில் திரண்ட மலேசியர்கள் புத்தாண்டை உற்சாகத்துடன் – மகிழ்ச்சியுடன் வரவேற்றனர்.
பிரம்மாண்டமான வாண வேடிக்கைகளும் நிகழ்த்தப்பட்டு – அதனால் கோலாலம்பூர் வான்வெளி வண்ணமயமாக மாறியதும் கண்கொள்ளாக் காட்சியாக இருந்தது.
படங்கள்:EPA
நேற்று நள்ளிரவில் கோலாலம்பூர் இரட்டைக் கோபுரத்தின் வளாகத்தில் நடைபெற்ற புத்தாண்டு விழா கொண்டாட்டத்தில் கலந்து கொண்ட நமது செல்லியல் வாசகர் ஒருவர் அனுப்பிய புகைப்படங்கள் இவை:
