கோலாலம்பூர், ஜனவரி 23 – இன்று டாமன்சாரா பெர்டானாவில் நடைபெறவுள்ள ஒரு இசை நிகழ்ச்சியில் பங்குபெறுவதற்காக அமெரிக்க பாப் பாடகியும், பிரபலமுமான பாரிஸ் ஹில்டன் கோலாலம்பூர் வந்துள்ளார்.
பாரிஸ் ஹில்டனுக்கு இது முதல் மலேசியப் பயணம் ஆகும்.
சவுத் கொரியன் பாப் குழு 2ஏஎம், ப்ளாக்கிடு ஐ பியஸ் மெம்பர்ஸ் தாபு மற்றும் ஆஸ்திரேலியன் டெனர் மார்க் வின்செண்ட் ஆகிய இசைக்குழுவினருடன் இணைந்து ‘எம்பையர் சிட்டி’ என்ற இடத்தில் இந்த இசை நிகழ்ச்சியை வழங்கவுள்ளார்.
இது குறித்து பாரிஸ் ஹில்டன் நேற்றே தனது இன்ஸ்டகிராம் பக்கத்தில், “பாய் துபாய்… நான் கோலாலம்பூருக்கு செல்கிறேன்… என்னால் காத்திருக்க முடியவில்லை. முதல் முறையாக மலேசியாவைப் பார்க்க போகிறேன்” என்று தெரிவித்திருந்தார்.
232,000 சதுரப் பரப்பளவில் 8 பெருநிறுவன கோபுரங்கள் மற்றும் அலுவலகங்கள், 3 அனைத்துலக ஐந்து நட்சத்திர விடுதிகள் ஆகியவற்றை உள்ளடக்கிய எம்பையர் சிட்டியின் வளர்ச்சியை முன்னிட்டு, முற்றிலும் 1920-ம் ஆண்டு கருப்பொருளில் இந்த நிகழ்ச்சி நடைபெறவுள்ளது குறிப்பிடத்தக்கது.
