சென்னை, பிப்ரவரி 17 – ரமேஷ் அரவிந்த் இயக்கத்தில் கமல் இரட்டை வேடத்தில் நடித்திருக்கும் படம் ‘உத்தம வில்லன்’. ஊர்வசி, ஆண்ட்ரியா, பூஜா குமார், பார்வதி நாயர், ஜெய் ராம், என ஒரு நடிகர்கள் பட்டாளமே நடிக்கும் இப்படத்தில் ஒரு கமல் வில்லனாகவும் வருகிறார்.
படத்தின் பெயரே ‘ உத்தம வில்லன்’ என்பதால் இதுவரை தமிழில் வில்லன்களாக நடித்து கலக்கிய முக்கிய வில்லன்களின் மத்தியில் இசையை வெளியிட கமல் முடிவு செய்துள்ளாராம்.
இதில் நம்பியார் உள்ளிட்ட மறைந்த மாபெரும் வில்லன் நடிகர்களுக்கு மரியாதையும் செலுத்தப்பட உள்ளதாக நெருங்கிய வட்டாரங்கள் தெரிவித்துள்ளனர்.
இசை வரும் மார்ச் 1-ஆம் தேதி வெளியாக உள்ளது. படம் ஏப்ரல் 2-ஆம் தேதி என படக்குழு அதிகாரப்பூர்வமாக அறிவித்துள்ளது.
