சென்னை, பிப்ரவரி 25 – ரமேஷ் அரவிந்த் இயக்கத்தில் கமல், ஊர்வசி, பூஜா குமார், ஆண்ட்ரியா நடிப்பில் ஏப்ரல் 2-ஆம் தேதி வெளியாக உள்ள படம் ‘உத்தம வில்லன்’ . இப்படத்திற்கு இசை ஜிப்ரான். படத்தின் இசை மார்ச் 1-ஆம் தேதி வெளியாக உள்ளது.
இந்நிலையில் தற்போது படத்திற்கு பின்னணி ஒலிப்பதிவுகள் செய்து வருபவர் க்ரெய்க் மேன். இவருக்கு சமீபத்தில் ‘விப்லாஷ்’ படத்தில் சிறந்த பின்னணி ஒலிக்கலவைக்காக ஆஸ்கர் கிடைத்துள்ளது.
‘உத்தம வில்லன்’ படத்திற்கு ஹாலிவுட் சினிமா தொழில்நுட்பக் கலைஞர் ஒருவர் ஒலிப்பதிவு செய்கிறார் என்பதே பெரிய விளம்பரமாக இருந்தது.
ஆனால் தற்போது அந்த ஒலிப்பதிவு தொழில்நுட்பக் கலைஞர் க்ரெய்க் மேன் ஆஸ்கர் பரிசையும் வென்றிருக்கின்றார் என்பது, ‘உத்தம வில்லன்’ படத்திற்காக கூடுதல் விளம்பரத்தை ஏற்படுத்தி, எதிர்பார்ப்பையும் கூட்டியுள்ளது.
