Home இந்தியா பலியான 20 தமிழர்களின் குடும்பங்களுக்கும் ஜெயலலிதா, விஜய்காந்த் நிதியுதவி!

பலியான 20 தமிழர்களின் குடும்பங்களுக்கும் ஜெயலலிதா, விஜய்காந்த் நிதியுதவி!

749
0
SHARE
Ad

01b53b45-2142-4596-b5d4-3776a76d83c41சென்னை, ஏப்ரல் 10 – ஆந்திர துப்பாக்கிச் சுட்டில் பலியான 20 தமிழர்களின் குடும்பத்திற்கும் அதிமுக சார்பில் ரூ.2 லட்சமும், தேமுதிக சார்பில் ரூ.50,000 நிதியுதவி வழங்கப்படும் என அக்கட்சியின் பொதுச் செயலாளர்கள் ஜெயலலிதா, விஜய்காந்து தெரிவித்துள்ளனர்.

இது தொடர்பாக ஜெயலலிதா வெளியிட்டுள்ள அறிக்கையில் கூறப்பட்டிருப்பதாவது:- ”ஆந்திரா கடத்தல் தடுப்புப் படையினர் நடத்திய துப்பாக்கிச் சூடு சம்பவத்தில் சேலம், தருமபுரி மற்றும் திருவண்ணாமலை மாவட்டங்களைச் சார்ந்த 20 பேர் உயிரிழந்தனர் என்பதை அறிந்து நான் மிகுந்த மன வேதனை அடைந்துள்ளேன்”.

jayalalitha7-600“தற்போது ஊடகங்கள், பொது நல ஆர்வலர்கள் தெரிவித்துள்ள கருத்துகள் மற்றும் ஊடகங்களில் வெளியிடப்பட்டுள்ள புகைப்படங்கள் ஆகியவற்றைப் பார்க்கும் போது, ஆந்திர காவல் துறையினரால் எடுக்கப்பட்ட நடவடிக்கை சரியானதுதானா என்ற ஐயப்பாடு எழுந்துள்ளது”.

#TamilSchoolmychoice

“ஆந்திர அரசு உண்மை நிலையை அறிவதற்குத் தேவையான விசாரணையை நடத்திட வேண்டுமென்றும், அதன் அடிப்படையில் உரிய நடவடிக்கை எடுக்கப்பட வேண்டும் என்றும் ஆந்திர முதல்வரை கேட்டுக் கொள்கிறேன்”.

“இந்த துயரச் சம்பவத்தில் உயிரிழந்தவர்கள் ஒவ்வொருவரின் குடும்பத்திற்கும், அனைத்திந்திய அண்ணா திராவிட முன்னேற்றக் கழகத்தின் சார்பாக இரண்டு லட்சம் ரூபாய் வழங்க நான் உத்தரவிட்டுள்ளேன்” என தெரிவித்துள்ளார்.

vijayakanthஇதேபோல் தேமுதிக கட்சியின் தலைவர் விஜய்காந்த், தர்மபுரி மாவட்டத்தைச் சேர்ந்த 7 பேரின் குடும்பத்துக்கு, தேமுதிக சார்பில் தலா ரூ. 50 ஆயிரத்தை விஜயகாந்த் வழங்கினார்.

ஆந்திராவில் சுட்டுக்கொல்லப்பட்ட 20 தமிழர்களில் 7 பேர் தர்மபுரி மாவட்டம் சித்தேரி மலை கிராமத்தை சேர்ந்தவர்கள். அந்த 7 பேரின் குடும்பத்தினரையும் நேற்று, விஜயகாந்த் நேரில் சந்தித்து ஆறுதல் கூறி ஒவ்வொரு குடும்பத்தினருக்கும் ரூ.50,000 நிதியுதவியை விஜயகாந்த் அளித்தார்