சென்னை – சென்னை திநகரில் அமைந்திருக்கும் பிரபல துணிக்கடையான சென்னை சில்க்ஸ் கட்டிடத்தில் நேற்று புதன்கிழமை அதிகாலை தீ பற்றி எரியத் தொடங்கியது.
தீயணைப்பு வீரர்கள் நேற்று முழுவதும் போராடியும் தீயை அணைக்க முடியவில்லை.
இந்நிலையில், இன்று வியாழக்கிழமை அதிகாலை 3 மணியளவில் கட்டிடத்தின் ஒரு பகுதி பலத்த சத்தத்துடன் இடிந்து விழுந்தது.
தகுந்த பாதுகாப்பு முன்னெச்சரிக்கை நடவடிக்கைகள் மேற்கொள்ளப்பட்டிருந்ததால், இச்சம்பவத்தில் யாருக்கும் பாதிப்பு ஏற்படவில்லை.
இதனிடையே, கட்டிடம் முழுவதும் இடிந்து விழுந்துவிடும் என்று நம்பப்படுவதால், அப்பகுதியில் பொதுமக்கள் நடமாடத் தடை விதிக்கப்பட்டிருக்கிறது.
அதோடு, அபாயகரமான பகுதி என்றும் எச்சரிக்கை விடுக்கப்பட்டிருக்கிறது.
