Home வணிகம்/தொழில் நுட்பம் சிங்கப்பூர் தனியார் வங்கி விழாவில் உரையாற்றுகிறார் ஒபாமா!

சிங்கப்பூர் தனியார் வங்கி விழாவில் உரையாற்றுகிறார் ஒபாமா!

322
0
SHARE

President Obama on leaving the White Houseசிங்கப்பூர் – வரும் மார்ச் மாதம் சிங்கப்பூர் வங்கி ஏற்பாடு செய்திருக்கும் விழா ஒன்றில் முன்னாள் அமெரிக்க அதிபர் பராக் ஒபாமா கலந்து கொண்டு உரையாற்றவிருக்கிறார்.

அமெரிக்காவின் 44-வது அதிபராகப் பதவி வகித்த ஒபாமா, கடந்த ஜனவரி மாதம் அப்பதவியில் இருந்து ஓய்வு பெற்றார்.

இந்நிலையில், சிங்கப்பூருக்கு, ஒபாமா முதல் முறையாக வருகை புரிவதோடு, உலகப் பொருளாதாரம் குறித்தும், அதில் ஆசியாவின் பங்களிப்பு குறித்தும் உரையாற்றவிருக்கிறார்.

இத்தகவலை சிங்கப்பூர் வங்கியின் தலைமைச் செயலதிகாரி பாஹ்ரென் ஷாரி வெளியிட்டிருக்கிறார்.

இவ்விழாவில், தேர்ந்தெடுக்கப்பட்ட 1,000 வாடிக்கையாளர்கள் மற்றும் சிறப்பு விருந்தினராக அழைக்கப்பட்டவர்கள் முன்பு ஒபாமா உரையாற்றுவார் என்றும் பாஹ்ரென் ஷாரி குறிப்பிட்டிருக்கிறார்.

Comments