Home One Line P2 அக்டோபர் 11-12 தேதிகளில் சீன அதிபர், மோடியை சென்னையில் சந்திக்கிறார்!

அக்டோபர் 11-12 தேதிகளில் சீன அதிபர், மோடியை சென்னையில் சந்திக்கிறார்!

160
0
SHARE

சென்னை: சீன அதிபர் ஜீ ஜின்பிங் வருகிற அக்டோபர் 11-ஆம் தேதி பிரதமர் நரேந்திர மோடியுடன் முறைசாரா உச்சமாநாட்டிற்காக இந்தியாவுக்கு வருகைப் புரிய உள்ளார்.

இந்தியப் பிரதமரின் அழைப்பின் பேரில், சீன அதிபர் இரண்டாவது முறைசாரா உச்சமாநாட்டிற்காக, அக்டோபர் 11 மற்றும் 12-இல் சென்னைக்கு வருவார் என்று இந்திய வெளிவிவகார அமைச்சு தெரிவித்துள்ளது.

பிராந்திய மற்றும் உலகளாவிய முக்கியத்துவம் வாய்ந்த பிரச்சனைகள் குறித்த விவாதங்களைத் தொடர இரு தலைவர்களுக்கும் இந்த உச்சமாநாடு வாய்ப்பளிக்கும் என்று நம்பபடுகிறது.

இந்த உச்சமாநாடு தமிழ்நாட்டின் கடலோர கோயில் நகரமான மாமல்லபுரத்தில் நடைபெறுகிறது. பல பிரச்சனைகளில் வேறுபாடுகள் இருந்தாலும் இருதரப்பு உறவுகளை முன்னெடுப்பதில், இந்த முறைசாரா உச்சிமாநாடு கவனம் செலுத்தும் என்று எதிர்பார்க்கப்படுகிறது.

இவ்விரு தலைவர்களும் கடந்த 2018-ஆம் ஆண்டு ஏப்ரல் 27 மற்றும் 28-இல் சீனாவின் வுஹானில் தொடக்க முறைசாரா உச்சமாநாட்டை நடத்தினர் என்பது குறிப்பிடத்தக்கது.

Comments