கோலாலம்பூர் – ‘பொன்மனச் செம்மல்’ – ‘புரட்சித் தலைவர்’ டாக்டர் எம்ஜிஆர் நூற்றாண்டு விழாவையொட்டி, அவரின் அரிய புகைப்படங்களைக் கண்காட்சி போல் பொதுமக்களின் பார்வைக்கு வைக்கப்படவிருக்கிறது.
இக்கண்காட்சியில் எம்ஜிஆரின் வாழ்க்கை குறிப்புகளையும் அரிய புகைப்படங்களையும் கண்டு மகிழலாம்.
இன்று செப்டம்பர் 4-ம் தேதி மாலை மணி 5.00-க்கு தலைநகர் டான்ஸ்ரீ கே.ஆர். சோமா மண்டபத்தில் ‘எம்ஜிஆர் 100’ சிறப்பு கண்காட்சி நடைபெறுகின்றது.
மலேசிய இந்திய சமுதாய மேம்பாட்டு இயக்கத்தின் (MICAS) தலைவர் எஸ்.பி.மணிவாசகம் தலைமையிலான தொண்டார்வளர் குழு,இதனை ஏற்பாடு செய்திருக்கிறது.
மலேசியாவுக்கான இந்தியத் தூதர் திருமூர்த்தியும் தேசிய நிலநிதி கூட்டுறவுச் சங்கத்தின் நிர்வாக இயக்குநர் டத்தோ பா.சகாதேவனும் இக்கண்காட்சியை அதிகாரப்பூர்வமாக தொடக்கி வைப்பர். செப்டம்பர் 8-ம் தேதி வரை (ஐந்து நாட்களுக்கு) மாலை மணி 5.00 முதல் இரவு மணி 9.00 வரை திறக்கப்பட்டிருக்கும் இக்கண்காட்சிக்கு, பொதுமக்கள் அழைக்கப்படுகின்றனர்.
