கோலாலம்பூர்: நேற்று வெள்ளிக்கிழமை நீட்டிக்கப்பட்ட நடமாட்டக் கட்டுப்பாட்டு உத்தரவின் போது சில தொழில்கள் செயல்பட மத்திய அரசு அனுமதிக்கும் என்றும், ஆனால், தொழிலாளர்களின் உடல்நலம் மற்றும் பாதுகாப்புக்கு முன்னுரிமை அளிக்கப்படும் என்றும் அனைத்துலக வணிக மற்றும் தொழில்துறை அமைச்சர் டத்தோஸ்ரீ அஸ்மின் அலி தெரிவித்தார்.
அத்தியாவசிய மற்றும் தொழில்முறை சேவைகளை உள்ளடக்கிய இந்தத் தொழில்கள், திங்கட்கிழமை (ஏப்ரல் 13) காலை 9 மணி முதல் அனைத்துலக வணிக மற்றும் தொழில்துறை அமைச்சகத்தின் (மிட்டி) வலைத்தளமான www.miti.gov.my- இல் இணையம் வழி இதற்கு விண்ணப்பிக்க வேண்டும் என்று அவர் தெரிவித்தார்.
இதில் வாகன தயாரிப்புத் துறை, இயந்திரங்கள் மற்றும் உபகரணங்கள், விண்வெளி, கட்டுமானத் திட்டங்கள், பாரம்பரிய மருத்துவக் கடைகள், வன்பொருள் மற்றும் மின் கடைகள், ஒளியியல் வல்லுநர்கள் மற்றும் முழு சேவை சலவை மற்றும் சிகை அலங்காரம் அல்லது முடிதிருத்தும் கடைகள் (முடி வெட்டுதல்) உள்ளிட்ட சேவைகள் அடங்கும்.
ஆயினும், குறிப்பிடப்பட்ட நிலையான நடமாட்டக் கட்டுப்பாட்டு நடைமுறைகளுக்கு இணங்கவில்லை என்றால் இந்த தொழில்களுக்கு வழங்கப்படும் அனுமதி உடனடியாக இரத்து செய்யப்படும் என்று அவர் எச்சரித்தார்.
அனுமதி வழங்கப்பட்ட துறைகள் மற்றும் சேவைகளை கீழ்க்காணும் பட்டியலில் காணலாம்:
- வாகன தயாரிப்புத் துறை (சிபியு ரக கார்கள், உபகரணங்கள் மற்றும் பாகங்கள், விற்பனைக்குப் பிந்தைய சேவைகள்).
- இயந்திரங்கள் மற்றும் உபகரணங்கள் துறை
- விண்வெளித் துறை
- கட்டுமான திட்டங்கள் மற்றும் கட்டுமான தொடர்பான சேவைகள்
(அ) குத்தகைக்காரர்கள் ஜி1 – ஜி2 முக்கிய குத்தகைக்காரர்களாக இருக்கும் திட்டங்கள்
(ஆ) சான்றளிக்கப்பட்ட திட்டங்கள் 90 விழுக்காடு முழுமையடைந்தவை
(இ) சுரங்கப்பாதை வேலை
(ஈ) பராமரிப்பு பணிகள்
(உ) சாய்வு வேலை
(ஊ) ஒப்பந்தத்தில் குறிப்பிடப்பட்ட அவசர பணிகள்
(எ) பராமரிப்பு, சுத்தம் மற்றும் உலர்த்தும் பணிகள், ஏடிஸ் கொசுக்கள் மற்றும் பிற பூச்சிகளின் இனப்பெருக்கத்தைத் தடுக்க தளத்தில் பூச்சிக்கொல்லிகளை தெளித்தல், தெளித்தல்.
(ஏ) ஆபத்தை ஏற்படுத்தும் முடிக்கப்படாத பிற கட்டுமானங்கள்
(ஐ) 70ஐபிஎஸ் மதிப்பெண் மற்றும் அதற்கு மேல் உள்ள கட்டிடம் திட்டம்
(ஒ) ஊழியர்களுக்கான வசதிகள், வசதிகளுடன் கூடிய கட்டுமானத் திட்டங்கள் மையப்படுத்தப்பட்ட தொழிலாளர் குடியிருப்பு அல்லது தொழிலாளர் முகாம்கள் போன்றவை
(ஓ) கட்டுமானத் துறையில் ஈடுபட்டுள்ள தொழில்முறை சேவைகள், கட்டட வடிவமைப்பாளர்கள், நகர திட்டமிடுபவர்கள், நில அளவையாளர்கள், பொருட்கள் கணக்கெடுப்பாளர்கள், திட்ட மேலாளர்கள், வசதி மேலாளர்கள் மற்றும் பலர்.
- ஆராய்ச்சி உள்ளிட்ட அறிவியல், தொழில்முறை சேவை மற்றும் தொழில்நுட்ப சேவைகள் (சட்ட தொடர்பான சேவைகள், எண்ணெய், எரிவாயு தொடர்பான சேவை, கொவிட்-19 தொடர்பான ஆய்வு நடவடிக்கைகள் மட்டுமே செயல்பட அனுமதிக்கப்பட்டும்), பதிவுசெய்யப்பட்ட பாரம்பரிய மருத்துவம் உள்ளிட்ட சமூக சுகாதார சேவைகள் மருத்துவத்திற்கு மட்டுமே திறக்கப்படும்.
- வன்பொருள் கடைகள், மின் மற்றும் மின்னணு கடைகள்,
மொத்த மற்றும் சில்லறை விற்பனை முகக் கண்ணாடி கடைகள்.
- முடி அலங்காரக் கடைகள் (முடி திருத்தம் மட்டும்).
- சேவை (சுயசேவை அல்ல)
