கோலாலம்பூர்: கல்வி நிறுவனங்கள் சம்பந்தப்பட்ட கொவிட் -19 தொற்று குழுக்கள் ஒரு வாரத்திற்குள் 83.3 விழுக்காடாக அதிகரித்துள்ளது என்று சுகாதார அமைச்சகம் தெரிவித்துள்ளது.
முந்தைய வாரத்தில் மொத்தம் 12 கல்வி நிறுவனங்கள் சம்பந்தப்பட்ட தொற்று குழுக்கள் பதிவு செய்யப்பட்டதாக அதன் அமைச்சர் டாக்டர் அடாம் பாபா தெரிவித்தார்.
இது தொடர்பாக, அறிகுறிகள் உள்ள மாணவர்கள் பள்ளிக்கு செல்லக்கூடாது என்றும் அவர் பரிந்துரைத்தார்.
“அறிகுறிகளைக் கொண்ட மாணவர்கள் வீட்டிலேயே இருக்கும்படி கேட்டுக் கொள்ளப்படுகிறார்கள். தனிமைப்படுத்தப்பட்ட பெற்றோர்கள் தங்கள் குழந்தைகளை அனுப்ப வேண்டியதில்லை,” என்று அவர் செய்தியாளர் கூட்டத்தில் கூறினார்.
