புதுடெல்லி, ஜூலை 21 – உலக வங்கி நிதி உதவியுடன் நடைபெறும் வளர்ச்சிப் பணிகள் குறித்து பிரதமர் மோடியை சந்தித்து ஆலோசனை நடத்த உலக வங்கித் தலைவர் ஜிம் யோங் கிம் 3 நாள் பயணமாக இன்று டெல்லி வருகிறார்.
தனது 3 நாள் பயணத்தின் போது தமிழகத்திற்கும் கிம் வருகிறார். உலக வங்கி நிதி உதவியுடன் தமிழகத்தில் நடைபெறும் பல்வேறு வளர்ச்சிப் பணிகளை பார்வையிட்டு ஆய்வு செய்ய இருக்கிறார்.
கடந்த 2013-ம் ஆண்டு ஜூலை முதல் இந்த ஆண்டு ஜூன் வரையில் இந்தியாவிற்கு உலக வங்கி 6.4 பில்லியன் அமெரிக்க டாலர் அளவிற்கு நிதி உதவி அளித்துள்ளது என்பது குறிப்பிடத்தக்கது.
