Home இந்தியா மோடி- ஜெயலலிதா சந்திப்பு விமர்சனம்: இளங்கோவனுக்கு எதிராக அதிமுக ஆர்ப்பாட்டம்!

மோடி- ஜெயலலிதா சந்திப்பு விமர்சனம்: இளங்கோவனுக்கு எதிராக அதிமுக ஆர்ப்பாட்டம்!

496
0
SHARE
Ad

17-1439823495-admkசென்னை, ஆகஸ்ட் 18- தமிழகக் காங்கிரஸ் தலைவர் ஈ.வி.கே.எஸ். இளங்கோவன், மோடி- ஜெயலலிதா சந்திப்பை விமர்சித்துப் பேசியதைக் கண்டித்துத் தமிழகத்தின் பல்வேறு பகுதிகளில் அதிமுக-வினர் ஆர்ப்பாட்டத்தில் ஈடுபட்டுள்ளனர்.

ஈ.வி.கே.எஸ். இளங்கோவனின் உருவப் பொம்மையை எரித்து அவருக்கு எதிராக முழக்கமிட்டனர்.

சென்னையில் உள்ள காங்கிரஸ் தலைமையகமான சத்தியமூர்த்தி பவனை முற்றுகையிட்ட அதிமுக-வினர் அதனுடைய வாசலில் ஈ.வி.கே.எஸ். இளங்கோவனின் கொடும்பாவியை எரித்து, ஆவேசமாக முழக்கமிட்டனர். பெண்கள் சிலர் அவரது உருவப்படத்தைச் செருப்பாலும் துடைப்பத்தாலும் அடித்தனர்.

#TamilSchoolmychoice

இதனால் அங்கு பெரும்  பதற்றம் உருவானது.நிலைமை கட்டுக்கடங்காமல் போக, உடனடியாகக் காவல்துறையினர் அங்கு குவிக்கப்பட்டனர்.

சத்திய மூர்த்தி பவனுக்குள் கோபாவேசமாக நுழைய முயன்ற சிலரைக் காவல்துறையினர் தடுத்து அப்புறப்படுத்தினர்.

இத்தகைய அத்துமீறலான- அநாகரீகமான போராட்டத்திற்குக் குஷ்பு முதலான காங்கிரஸ் பிரமுகர்கள், ‘இது ஜனநாயகத்திற்கு எதிரானது’ கண்டனம் தெரிவித்துள்ளனர்.

சட்ட்ம் ஒழுங்கைக் காப்பாற்ற வேண்டிய ஆளுங்கட்சியினரே இப்படி வெறியாட்டம் போடலாமா? என்று திமுக தலைவர் கேள்வி எழுப்பியுள்ளார்.