மும்பை – கடந்த 2009-ல் கே.கே.ஆர் அணியின் பங்குகளை குறைந்த விலைக்கு, வெளிநாட்டு நிறுவனத்துக்கு விற்றதில் வரி மோசடி நடந்ததாக அமலாக்கத் துறையினர் வழக்குப்பதிவு செய்து நடிகர் ஷாருக்கானிடம் தொடர்ந்து 4 மணி நேரமாக விசாரணை நடத்தியுள்ளனர்.
இதுகுறித்து விளக்கம் அளிக்க வருமாறு ஷாருக்கானுக்கு சம்மன் அனுப்பினர். ஆனால், திட்டமிட்டபடி படப்பிடிப்பில் கலந்து கொள்ள வேண்டியிருந்ததால், அமலாக்க துறை அதிகாரிகளிடம் அவகாசம் கேட்டிருந்தார்.
இதையடுத்து சமீபத்தில் அவருக்கு மீண்டும் சம்மன் அனுப்பப்பட்டது.
இந்நிலையில், தென் மும்பையில் உள்ள அமலாக்கத் துறை அலுவலகத்துக்கு ஷாருக்கான் நேற்று முன்தினம் சென்றார். அப்போது அவர் அதிகாரிகளின் கேள்விகளுக்கு பதிலளித்தார். அமலாக்கத் துறை அதிகாரிகள் அவரிடம் தொடர்ந்து 4 மணி நேரமாக சரமாரி கேள்விகள் கேட்டுள்ளனர்.
ஐபிஎல் அணிகளில் கொல்கத்தா நைட் ரைடர்ஸ் (கேகேஆர்) அணியின் உரிமையாளர்களில் ஒருவராக இருப்பவர் ஷாருக்கான் என்பது குறிப்பிடத்தக்கது.
