Home கலை உலகம் சந்திரபாபு நாயுடுவுடன் சந்திப்பு – அடுத்தடுத்து பரபரப்பு கிளப்பும் கமல்!

சந்திரபாபு நாயுடுவுடன் சந்திப்பு – அடுத்தடுத்து பரபரப்பு கிளப்பும் கமல்!

456
0
SHARE
Ad

-naidu-kamalஐதராபாத் – கடந்த சில மாதங்களாகவே கமல் குறித்த செய்திகள் இடம்பெறாத நாளே இல்லை என்கிற அளவிற்கு மனிதர் தொடர்ந்து பரபரப்புகளுக்கு மத்தியிலேயே இருந்து வருகிறார். ஏதேனும் ஒரு நடிகர் மிக முக்கிய அரசியல் தலைவர் ஒருவரை சந்தித்துவிட்டால் குறிப்பிட்ட அந்த நடிகர் பற்றி பெரும் சர்ச்சைகள் கிளம்பும் நிலையில், கமல்ஹாசன் கடந்த சில வாரங்களில் மட்டும் இந்திய அளவில் மிகப் பெரிய அரசியல் மாற்றத்தை ஏற்படுத்திய தலைவர்களை தொடர்ந்து சந்தித்த வண்ணம் இருந்து வருவது பல்வேறு யூகங்களுக்கு வழிவகுக்கிறது.

டெல்லி முதல்வர் அரவிந்த் கெஜ்ரிவால், மகாரஷ்டிரா நிர்மாண் சேவா தலைவர் ராஜ்தாக்கரே என இந்த பட்டியல் நீண்டு வரும் நிலையில், கமல்ஹாசன் சமீபத்தில் ஆந்திர மாநில முதல்வர் சந்திரபாபு நாயுடுவை சந்தித்து பேசியுள்ளார். கெஜ்ரிவால், ராஜ்தாக்கரே ஆகியோரை கமல் சந்தித்ததற்கான காரணங்கள் இதுவரை வெளிவராமல் இருப்பது போல் சந்திரபாபுவுடனான சந்திப்பிற்கும் எத்தகைய காரணங்களும் கூறப்படவில்லை.

எனினும், இதுகுறித்து கமல் வட்டாரங்கள் கூறுகையில், அண்மையில் வெளியாகி வெற்றிகரமாக ஓடிக் கொண்டிருக்கும் தூங்காவனம் படத்தின் தெலுங்கு பதிப்பான சீகட்டி ராஜ்ஜியத்தின் பிரத்யேக காட்சியை பார்க்க வருமாறு அழைப்பு விடுக்கவே, கமல் சந்திரபாபு நாயுடுவை சந்தித்ததாகத் தெரிவித்துள்ளனர்.