சென்னை – டொராண்டோவில் இசை நிகழ்ச்சியை முடித்துவிட்டு நாளை தமிழகம் திரும்பும் அனிரூத்தை சென்னை விமான நிலையத்தில் வைத்து கைது செய்ய காவல்துறை தயாராகி வருவதாக தகவல்கள் வந்துள்ளன.
பீப் பாடல் தொடர்பாக சிம்பு-அனிரூத் மீது காவல்துறை மூன்று பிரிவுகளில் வழக்கு பதிவு செய்துள்ள நிலையில், இருவரும் விசாரணைக்கு, வரும் டிசம்பர் 19-ம் தேதி வர வேண்டும் என காவல்துறை சம்மன் அனுப்பியுள்ளது.
இந்நிலையில், கனடாவில் இருந்து நாளை (வியாழக்கிழமை) அவர் சென்னை திரும்பத் திட்டமிட்டுள்ள நிலையில், அவர் கைதாக வாய்ப்புகள் இருப்பதாக தகவல்கள் வெளியாகி உள்ளன.
முன்னதாக அனிரூத், குறிப்பிட்ட அந்த பாடலுக்கு தான் இசை அமைக்கவே இல்லை என விளக்கம் அளித்து இருந்தார்.
