கோலாலம்பூர் – டிசம்பர் 17-ம் தேதி, உலகம் எங்கிலும் வெளியான ஸ்டார் வார்ஸ் படத்தின் தொடர்ச்சியான, ஸ்டார் வார்ஸ்: தி போர்ஸ் அவேகன்ஸ், 12 நாட்களில் 1 பில்லியன் டாலர்களை ஈட்டி புதிய சாதனை நிகழ்த்தி உள்ளது. இதற்கான அதிகாரப்பூர்வ அறிவிப்பினை, அப்படத்தின் விநியோகஸ்தரான வால்ட் டிஸ்னி நிறுவனம் அறிவித்துள்ளது.
இது தொடர்பாக வால்ட் டிஸ்னி கூறுகையில், “இது வரை படம் (ஸ்டார் வார்ஸ்: தி போர்ஸ் அவேகன்ஸ்) 1.09 பில்லியன் டாலர்களை வசூலித்துள்ளது. வட அமெரிக்காவில் தான் பெருமளவு வசூல் ஈட்டப்பட்டுள்ளது” என்று கூறியுள்ளது.
ஹாலிவுட் படங்களுக்கு பெரிய வரவேற்பு இருக்கும் சீனாவில், இப்படம் வரும் ஜனவரி 9-ம் தேதி தான் வெளியாகிறது. அதற்குள்ளாகவே பல்வேறு பாக்ஸ் ஆபிஸ் சாதனைகளை நிகழ்த்தி உள்ளதால், சீனாவில் இப்படம் வெளியாகும் போது, இன்னும் அதிகமான வசூல் இருக்கும் என்று எதிர்பார்க்கப்பகிறது.
