வாரணாசி – இந்தியப் பிரதமர் மோடி, இன்று தனது சொந்தத் தொகுதியான உத்தரபிரதேச மாநிலத்தின் வாரணாசியில் ‘மகமனாயா எக்ஸ்பிரஸ்’ என்ற புதிய இரயில் சேவையைத் தொடங்கி வைத்தார். வாரணாசி – டெல்லிக்கு நேரடியான இந்த இரயில் சேவை பல்வேறு சொகுசான வசதிகள் நிறைந்ததாக இருக்கும் என்று கூறப்படுகிறது.
வாரணாசி தொகுதியின் நாடாளுமன்ற உறுப்பினராக பதவிவகிக்கும் பிரதமர் மோடி, தனது தொகுதிக்கு அடிக்கடி சென்று பல்வேறு புதிய திட்டங்களை துவக்கி வைத்தும், பல்வேறு நலத்திட்ட உதவிகளை வழங்கியும் வருகிறார் என்பது இங்கு குறிப்பிடத்தக்கது.
