கோலாலம்பூர் – மாயமானதாக நம்பப்பட்ட நாடாளுமன்ற மருத்துவமனையின் மருத்துவர் பி.சுகுமாறன், புடுராயாவில் உள்ள தங்கும் விடுதி ஒன்றில் பாதுகாப்பாக இருப்பதை காவல்துறை கண்டறிந்துள்ளது.
மாநகர குற்றப்புலனாய்வுத் துறையின் மூத்த துணை ஆணையர் டத்தோ சைனுதின் அகமட் கூறுகையில், அவர் கடந்த பிப்ரவரி 16-ம் தேதி முதல் அங்கு தங்கியிருப்பதாகத் தெரிவித்துள்ளார்.
மேலும், அவர் திடீரென மாயமானதில் எந்த ஒரு குற்றப் பின்னணியும் இல்லை என்பதையும் சைனுதின் உறுதிப்படுத்தியுள்ளார்.
முன்னதாக, பத்துமலையில் உள்ள தங்கும்விடுதி ஒன்றில் சுகுமாறன் தங்கி இருந்ததாகவும், அவரது பொருட்கள் அங்கு இருந்தது என்றும் காவல்துறை தகவல் அளித்திருந்தது குறிப்பிடத்தக்கது.
