சென்னை – ஜி.வி.பிரகாஷின் ‘எனக்கு இன்னொரு பேர் இருக்கு’ படத்தின் முன்னோட்டம் நேற்று வெளியாகி ரசிகர்களிடம் வரவேற்பைப் பெற்று வருகிறது. ஜி.வி.பிரகாஷ், ஆனந்தி, கருணாஸ், நிரோஷா நடிப்பில் உருவாகியிருக்கும் படம் ‘எனக்கு இன்னொரு பேர் இருக்கு’.
‘டார்லிங்’ வெற்றிக்குப்பின் இயக்குநர் சாம் ஆண்டன்-ஜி.வி.பிரகாஷ் மீண்டும் இணைந்திருக்கும் இப்படத்தை, லைக்கா நிறுவனம் தயாரித்திருக்கிறது. ‘திரிஷா இல்லேன்னா நயன்தாரா’ வெற்றிக்குப்பின் ஜி.வி.பிரகாஷ்-ஆனந்தி 2-ஆவது முறையாக இப்படத்தில் இணைந்து நடித்திருக்கின்றனர்.
இதுதவிர ஜி.வி.பிரகாஷின் ‘டார்லிங்’, ‘திரிஷா இல்லேன்னா நயன்தாரா’ படங்களில் நடித்த மொட்டை ராஜேந்திரன், விடிவி கணேஷ் ஆகியோரும் இப்படத்தில் முக்கிய வேடங்களில் நடித்துள்ளனர்.
இந்நிலையில் நேற்று வெளியான இப்படத்தின் முன்னோட்டம் தங்களை மிகவும் கவர்ந்திருப்பதாகவும், ‘எனக்கு இன்னொரு பேர் இருக்கு’ ஜி.வி.பிரகாஷுக்கு மற்றொரு வெற்றிப்படமாக மாறும் எனவும் ரசிகர்கள் கருத்துத் தெரிவித்துள்ளனர்.
‘எனக்கு இன்னொரு பேர் இருக்கு’ படத்தின் முன்னோட்டம்:
