பாரிஸ்: நேற்று நடைபெற்ற முதல் ஆட்டத்தில் ஸ்பெயினை 2-0 என்ற கோல் எண்ணிக்கையில் இத்தாலி தோற்கடித்து, பழிதீர்த்துக் கொண்டது. 2012ஆம் ஆண்டில், ஐரோப்பியக் கிண்ணப் போட்டிகளின் இறுதிப் போட்டியில் இத்தாலியைத் தோற்கடித்து, வெற்றிக் கிண்ணத்தை அப்போது கைப்பற்றியது ஸ்பெயின்.
அதற்குப் பழிவாங்கும் விதமாக நேற்றைய ஆட்டத்தில், இரண்டாவது சுற்றில் ஸ்பெயினைத் தோற்கடித்து, வெளியேற்றி, கால் இறுதி ஆட்டத்திற்கு இத்தாலி முன்னேறியுள்ளது.
இங்கிலாந்து வெளியேறிய பரிதாபம் – நிர்வாகி பதவி விலகினார்
பலம் வாய்ந்த குழுவாகத் திகழ்வதோடு, காற்பந்து உலகின் மிகச் சிறந்த விளையாட்டாளர்கள் சிலரையும் கொண்டிருக்கும் இங்கிலாந்து, சாதாரண, சிறிய நாடான ஐஸ்லாந்திடம் 2-1 என்ற கோல் எண்ணிக்கையில் அதிர்ச்சிகரமானத் தோல்வியைத் தழுவி இரண்டாவது சுற்றிலேயே ஐரோப்பியக் கிண்ணப் போட்டிகளில் இருந்து வெளியேறிய சோகமும் நேற்று நிகழ்ந்தது.
இதனைத் தொடர்ந்து, இங்கிலாந்து காற்பந்து குழுவின் நிர்வாகியான ரோய் ஹோட்சன், உடனடியாகத் தோல்விக்குப் பொறுப்பேற்று, பதவி விலகியுள்ளார்.
இங்கிலாந்துக்கு எதிராக கோல் அடித்த உற்சாகத்தில் ஐஸ்லாந்து விளையாட்டாளர்கள்…
