வாஷிங்டன் – அமெரிக்க அதிபர் தேர்தலில் வாக்களிப்பு விறுவிறுப்பாக நடைபெறத் தொடங்கியுள்ளது.
அமெரிக்க நாட்டில் ஒவ்வொரு பகுதிக்கும் நேர வித்தியாசங்கள் பின்பற்றப்படுவதால், வாக்களிப்பு கட்டம் கட்டமாகத் தொடங்கப்பட்டுள்ளது.
வாக்களிப்பு தொடங்கிய முதல் இடமாக டிக்ஸ்வில்லே நோட்ச் (Dixville Notch) என்ற இடம் விளங்குகின்றது. நியூ ஹெம்ப்ஷெயர் மாநிலத்திலுள்ள சிறிய ஊரான இங்கு திங்கட்கிழமை நள்ளிரவில் (செவ்வாய்க்கிழமை அதிகாலை) வாக்களிப்பு தொடங்கியது. இந்த ஊரில் 8 வாக்காளர்கள் மட்டுமே உள்ளனர்.
இவர்கள் வாக்களித்து முடிந்ததும் உடனடியாக வாக்குகள் எண்ணப்பட்டு முடிவுகள் அறிவிக்கப்பட்டன. அதன்படி ஹிலாரி 4 வாக்குகள் பெற, டிரம்ப் 2 வாக்குகள் பெற்றார். எஞ்சிய இரண்டு வாக்குகளில் ஒன்று மற்றொரு வேட்பாளருக்கு செல்ல, மற்றொரு வாக்கு செல்லாது என அறிவிக்கப்பட்டது.
தொடர்ந்து பல மாநிலங்களில் வாக்களிப்புகள் தொடங்கியுள்ளன.
