கோத்தாகினபாலு – சபா மாநிலக் கடல் பகுதியில் காணாமல் போனதாக அறிவிக்கப்பட்ட உல்லாசப் படகு, மூழ்கிய சம்பவத்தில், இதுவரையில் 22 பேர் காப்பாற்றப்பட்டுள்ளனர். இருப்பினும் இந்த சம்பவத்தில் மூவர் மரணமடைந்தது உறுதிப்படுத்தப்பட்டுள்ளது.
மேலும் அறுவர் இதுவரை காணப்படவில்லை என அறிவிக்கப்பட்டுள்ளது.
மரணமடைந்த மூவரின் அடையாளங்கள் முழுமையான மருத்துவ பரிசோதனைகளுக்குப் பின்னரே வெளியிடப்படும்.
இந்த உல்லாசப் படகில் பயணம் செய்த 31 பயணிகளில் மூவர் பணியாளர்கள். 28 பேர் சீனா நாட்டைச் சேர்ந்த சுற்றுலாப் பயணிகள் ஆவர்.
