சென்னை – நேற்று சென்னை குற்றவியல் நீதிமன்றத்தில் 2009-இல் தான் விடுதலைப் புலிகளுக்கு ஆதரவாக நிகழ்த்திய உரைக்காக, தேசத் துரோகக் குற்றச்சாட்டில், சென்னை நீதிமன்றத்தில் தானே முன்வந்து சரணடைந்த மதிமுக தலைவர் வைகோ, நீதிபதி பிறப்பித்த உத்தரவைத் தொடர்ந்து சென்னை புழல் சிறையில் அடைக்கப்பட்டார்.
நீதிமன்றத்திற்கு சரணடைய வரும் வைகோ…
வைகோ பிணையில் (ஜாமீனில்) வரமுடியும் என்றாலும், அதற்கு அவர் மறுத்து விட்டார். தன் சொந்த பிணையில் அவருக்கு விடுதலை வழங்க நீதிபதியே முன்வந்தபோதும் வைகோ அதனை ஏற்க மறுத்து விட்டார்.
தொடர்ந்து புழல் சிறைக்குக் கொண்டு செல்லப்பட்ட அவர் அங்கு 15 நாள் காவலில் வைக்கப்படுவார்.
