புதுடில்லி – நடப்பு இந்திய அதிபர் பிரணாப் முகர்ஜி (படம்) தனது ஐந்தாண்டு கால பதவியை நிறைவு செய்து பதவி விலகிச் செல்லும் நிலையில், புதிய இந்திய அதிபருக்கான தேர்தல் எதிர்வரும் ஜூலை 17-ஆம் தேதி நடைபெறும் என்றும், வாக்குகள் ஜூலை 20-ஆம் தேதி எண்ணப்பட்டு முடிவுகள் அறிவிக்கப்படும் என்றும் இந்தியத் தேர்தல் ஆணையம் அறிவித்திருக்கின்றது.
இதனைத் தொடர்ந்து புதிய அதிபராக யாரை பாஜக அரசாங்கம் தேர்ந்தெடுக்கப் போகிறது என்ற எதிர்பார்ப்பு அதிகரித்து வருகின்றது.
அதே வேளையில் எதிர்க்கட்சிகள் ஒன்று கூடி ஒரு பொது வேட்பாளரை அடையாளங் காணும் பேச்சு வார்த்தைகளில் இறங்கியிருக்கின்றன.
