சிரம்பான் – இன்று வியாழக்கிழமை அதிகாலை, ரெம்பாவில் அமைந்திருக்கும் சமயப்பள்ளி மாணவர் விடுதியில் ஏற்பட்ட தீ சம்பவத்தில் அதிருஷ்டவசமாக 37 மாணவிகள் உயிர் தப்பினர்.
இன்று அதிகாலை 2 மணியளவில் தங்களுக்குத் தகவல் வந்ததாகவும், அடுத்த 15 நிமிடங்களில் தாங்கள் அங்கு இருந்ததாகவும் தீயணைப்பு மற்றும் மீட்புக் குழு தெரிவித்திருக்கிறது.
60 விழுக்காடு சேதமடைந்த விடுதிக் கட்டிடத்தில் இருந்து 37 மாணவிகள் மீட்கப்பட்டிருக்கின்றனர்.
யாருக்கும் எந்த சேதமும் இல்லையென மீட்புக் குழுவினர் தெரிவித்திருக்கின்றனர்.
தற்போது தீவிபத்துக் குறித்து காவல்துறை விசாரணை நடத்தி வருகின்றது.
