பினோம்பென் – கம்போடியாவில் ஆளும் கட்சிக்கு மிகவும் அச்சுறுத்தலாக இருந்து வந்த எதிர்கட்சியான கம்போடிய தேசிய மீட்புக் கட்சியை இன்று வியாழக்கிழமை அந்நாட்டு உச்சநீதிமன்றம் அதிகாரப்பூர்வமாகக் கலைத்தது.
அமெரிக்காவின் உதவியுடன் ஆளுங்கட்சியைக் கலைத்து அதிகாரத்தைக் கைப்பற்ற முயற்சி செய்வதாக கம்போடிய அரசு, எதிர்கட்சி மீது குற்றம் சாட்டியிருந்தது.
அதற்கான விசாரணையில் அக்குற்றச்சாட்டு நிரூபிக்கப்பட்டதையடுத்து, எதிர்கட்சியைக் கலைத்து உச்சநீதிமன்றம் உத்தரவிட்டது.
இதனால், இன்னும் 1 ஆண்டிற்குள் அந்நாட்டில் நடைபெறவிருக்கும் பொதுத்தேர்தலில், பிரதமர் ஹூன் சென் தலைமையிலான ஆளும் அரசு மிக எளிதாக ஆட்சியைக் கைப்பற்றும் என எதிர்பார்க்கப்படுகின்றது.
Comments
