சென்னை – 2017-ம் ஆண்டிற்கான விகடன் விருது விழா சென்னை நந்தம்பாக்கம் வர்த்தக மையத்தில் நடைபெற்றது.
இதில் கமல்ஹாசன், இளையராஜா, ஏர்.ஆர்.ரஹ்மான், நயன்தாரா என நிறைய பிரபலங்கள் கலந்து கொண்டனர்.
இந்நிகழ்வில், இளையராஜாவிற்கு வாழ்நாள் சாதனையாளருக்கான எஸ்.எஸ்.வாசன் விருது வழங்கப்பட்டது.
அதனை உலகநாயகன் கமல்ஹாசன் இளையராஜாவிற்கு வழங்கினார்.
அப்போது எப்போது அரசியலுக்கு வரப்போகிறீர்கள் என இளையராஜா கமலிடம் கேட்ட போது, “வரும் ஜனவரி 26-ம் தேதி முதல் மக்களைச் சந்திக்கப் போகிறேன். எந்த இடத்தில் தொடங்கப்போகிறேன் என்பதை 18-ம் தேதி ஆனந்த விகடனில் எழுதியிருக்கிறேன்” என்று கமல் தெரிவித்தார்.
